Santiago, 17 de xuño de 2011.- O Diario Oficial de Galicia (DOG) publica hoxe unha Orde da Consellería do Medio Rural pola que se determinan as épocas hábiles de caza durante a tempada 2011-2012. Esta norma de vedas regula, en cumprimento do disposto no artigo 42 da Lei 4/1997, de caza de Galicia, os períodos hábiles de caza, as especies sobre as que se poderá exercer a práctica cinexética, os métodos autorizados e as limitacións xerais ou particulares que afectarán ao exercicio desta actividade na Comunidade Autónoma durante a tempada 2011-2012, considerada esta coma o período comprendido entre o 1 de agosto de 2011 e o 31 de xullo do ano 2012.
Segundo o establecido por esta Orde, e unha vez oídos os comités provinciais e o Comité Galego de Caza, o período hábil para exercer a caza, válido con alcance xeral, será o comprendido entre os días 16 de outubro de 2011 e 6 de xaneiro de 2012, ambos inclusive. Os días da semana nos que se permitirá o seu exercicio dependerán de que se trate dunha ou doutra das modalidades de caza maior ou menor, e veñen detallados na propia Orde.
Batidas ao xabaril
Entre as novidades introducidas este ano na normativa salienta a de que se poderá cazar o paspallás na modalidade “ao salto”, ademais da tradicional de “en man”. Ademais, autorízase a realización de batidas ao xabaril por danos nos concellos que se citan no anexo IV [xúntase ao final desta nota] sen necesidade de comprobación dos mesmos por entender que están acreditados. Respecto dos municipios que non figuran neste anexo, cómpre lembrar que a Xunta tamén ten establecido o procedemento de autorización de batidas previa solicitude, para aqueles casos nos que se acredita un incremento de danos provocados por esta especie, debidamente contrastado.
Entre as novidades introducidas este ano na normativa salienta a de que se poderá cazar o paspallás na modalidade “ao salto”, ademais da tradicional de “en man”. Ademais, autorízase a realización de batidas ao xabaril por danos nos concellos que se citan no anexo IV [xúntase ao final desta nota] sen necesidade de comprobación dos mesmos por entender que están acreditados. Respecto dos municipios que non figuran neste anexo, cómpre lembrar que a Xunta tamén ten establecido o procedemento de autorización de batidas previa solicitude, para aqueles casos nos que se acredita un incremento de danos provocados por esta especie, debidamente contrastado.
Caza por danos
En relación coa caza por danos, no caso do lobo, mantéñense as normas para a concesión de batidas e esperas. No que atinxe ao xabaril, e co fin de reducir os danos producidos por esta especie, poderanse autorizar esperas, ganchos ou montarías e increméntase a tempada hábil. Os titulares dun Tecor tamén poderán solicitar a adopción destas medidas de control nas zonas de adestramento permanente para cans e zonas de reserva que teñan autorizadas. No que se refire ao raposo, non hai novidades.
En relación coa caza por danos, no caso do lobo, mantéñense as normas para a concesión de batidas e esperas. No que atinxe ao xabaril, e co fin de reducir os danos producidos por esta especie, poderanse autorizar esperas, ganchos ou montarías e increméntase a tempada hábil. Os titulares dun Tecor tamén poderán solicitar a adopción destas medidas de control nas zonas de adestramento permanente para cans e zonas de reserva que teñan autorizadas. No que se refire ao raposo, non hai novidades.
Réximes especiais por especies
Arcea: poderase prolongar o período hábil de caza para esta especie ata o día 5 de febreiro de 2012; mantense a cota de captura en 3 exemplares por cazador e día.
Arcea: poderase prolongar o período hábil de caza para esta especie ata o día 5 de febreiro de 2012; mantense a cota de captura en 3 exemplares por cazador e día.
Charrela, pato cullerete, rula turca, gaivota escura, pomba brava, pomba zura e gralla cereixeira : queda prohibida a súa caza.
Lebre: do 16 de outubro ao 4 de decembro de 2011.
Raposo: poderanse autorizar ganchos para a caza do raposo desde o 28 de agosto de 2011 ata o comezo da tempada regular, e dende o 7 de xaneiro ata o 5 de febreiro do 2012, os xoves, sábados, domingos e festivos.
Paspallás: entre o 20 de agosto e o 11 de setembro de 2011, os sábados e domingos nos Tecor da antiga lagoa de Antela.
Pombo torcaz: xunto co paspallás, nos Tecor da antiga lagoa de Antela.
Tordos: prolóngase o período hábil de caza para estas especies ata o día 29 de xaneiro de 2012, na superficie dos Tecor incluída nos concellos de Salceda de Caselas, Salvaterra de Miño, Tomiño, O Rosal e Tui, todos eles en Pontevedra.
Corzo: Do 28 de agosto e ata o 15 de outubro de 2011, gancho, montaría e axexo, os sábados, domingos e festivos para machos adultos e desde o 25 de setembro ata o 15 de outubro, femias adultas en descaste. Desde o 1 de abril ata o 31 de xullo de 2012 na modalidade de axexo para machos calquera día da semana.
Xabaril: desde o 20 de agosto de 2011 ata o 19 de febreiro de 2012, nas modalidades de gancho ou montaría, xoves, sábados, domingos e festivos.
Cervo, gamo e muflón: modalidade de axexo unicamente, desde o 11 de setembro ata o 8 de outubro de 2011, sobre machos adultos e femias adultas en descaste e desde o 9 de outubro de 2011 ata o 19 de febreiro de 2012 nas modalidades de gancho, montaría e axexo, os xoves, sábados, domingos e festivos, nos terreos cinexéticos de réxime especial.
Cabra montesa e Lobo: queda en xeral prohibida a súa caza en Galicia.
DOCUMENTACION COMPLEMENTARIA:
