Santiago, 24 de xuño de 2009.- Esta tarde celebrouse en Compostela o Comité Galego de Caza, primeiro punto de partida anual para a elaboración da comunmente denominada “orde anual de vedas”, que regula a capacidade e condicións da actividade cinexética na Comunidade Autónoma. Esta xuntanza estivo presidida polo director xeral de Conservación da Natureza da Consellería do Medio Rural, Ricardo García-Borregón Millán, e da mesma formaron parte representantes daqueles sectores interesados en maior ou menor medida pola actividade da caza, tales coma federacións, universidades, asociacións de cazadores, entidades naturalistas e ecoloxistas, administracións, etc. Como principal obxectivo da xuntanza cabe sinalar a intención das partes de fixar as liñas de actuación e promover a adopción de medidas encamiñadas ao fomento, protección, conservación e ordenado aproveitamento da riqueza cinexética da Comunidade Autónoma de Galicia.
DATAS PROPOSTAS (PENDENTES DE APROBACION POLO CONSELLEIRO):
Período hábil, con carácter xeral: 18/10/2008 – 6/1/2010.
Arcea / agacha: 18/10/2009 – 31/1/2010.
Lebre: 18/10/2009 – 6/12/2010.
Raposo: 30/8/2009 – 7/2/2010.
Xabarín: 30/8/2009 – 31/1/2010
Corzo:
Machos: 30/8/2009 – 17/10/2009
Femias: 27/9/2009 – 17/10/2009 + 24/10/2009
Recechos 2010: 4/4/2010 – 1/8/2010
Fonte: http://novas.xunta.es