A Asociación de
Tecores do Parque Natural Baixa Limia - Serra do Xurés (XURESTEC) quere
manifestar o seu malestar polas opinións vertidas na revista FEDERCAZA polo
Presidente da Asociación de Caza Maior de Galicia, Francisco Chan Méndez.
Méndez di no seu
artigo o seguinte: “Otra novedad que el año pasado había puesto a
Galicia en el mapa del íbex internacional ha caído en una situación de
incertidumbre propiciada por los intereses localistas tan propios de estas
tierras. Será mejor o peor, pero lo que es subastas de monteses no habrá este
año y cada coto del Parque Natural del Xurés se someterá a la tradicional ley
“del perro y su pija”. Veremos lo que pasa, pero, cuando menos, imagen de
seriedad para un recurso económico importante para el entorno, no ofrece.”
XURESTEC quere
manifestar o seguinte:
1º Que de ningún
modo existe unha situación de incerteza con respecto ao aproveitamento da cabra
montés durante a presente tempada.
2º Que o aproveitamento se fará de forma
conxunta, como a tempada pasada, polos catro Tecores que aceptaron o Plan de
Aproveitamento da Dirección Xeral de Conservación dá Natureza. Tan só un Tecor
non aceptou o Plan da Xunta de Galicia. Así que non cabe lugar para a lei “del perro y
su pija”, como afirma
Méndez no seu artigo.
3º Que non se
utilizará a poxa, debido á mala experiencia sufrida na tempada pasada. Ademais,
ningunha empresa das que se interesaron polo aproveitamento, quería que se
volvese aplicar ese sistema.
4º Que para
XURESTEC, o feito de buscar a forma de corrixir erros e mellorar a posta en
práctica do Plan de Aproveitamento, é unha mostra da seriedade coa que se trata
este asunto.
5º Que XURESTEC
seguirá defendendo á caza social, sen importarlle o máis mínimo os intereses comerciais
das empresas de orgánicos.
Os Presidentes
das Sociedades de Cazadores dos Tecores que integran XURESTEC van proceder a
informar a todos os socios cazadores do contido do citado artigo, para que
teñan coñecemento da opinión que o Presidente da Asociación de Caza Maior de
Galicia ten da xestión que se vai a facer da caza da cabra montés.
Ademais,
acordouse declarar a Francisco Chan Méndez “persoa non grata no Xurés”, xa que
coas súas opinións están a provocar un dano considerable á caza social da
Comarca da Baixa Limia.
COMUNICADO DE XURESTEC
